Munduko ekonomiarentzat mugimendu transformatzaile garrantzitsuenetakoan bihurtu da Gauzen Interneta (IoT). Zein da bere garapenaren egoera mundu mailan?
Orain dela bost urtetik hona sektore industrialean hedapen handia izan duen plataforma da Gauzen Interneta eta asko idatzi da honi buruz denbora tarte honetan. Gartner, IDC, McKinsey edo PwC bezalako kontsultorak etorkizun handiko predikzioak argitaratu dituzte. Konektatuta dauden gailu-kantitateaz, 2020-rako IoT merkatuak izango duen balio eta garrantziaz eta baita 2050 urtetik aurrerako produkzio eta ekonomia-aktibitatean kanal moduan izango duen garrantziaz konturatu dira. Hala ere, gauza gutxi esaten da IoT-aren gaur egungo egoeraz. Datu bakanenbat eman izan dute enpresa baten inbertsio txostenen batean edota kazetaritza oharren batean, plataforma honen sareen proba faseetan zer moduz joan den kontatzeko eta zein herrialdeetan probatu duten kontatzeko.
Industria farmazeutikoak, meatzaritza-industriak, txikizkarien salmentak, agroindustriak, manufaktura astuneko industriak dagoeneko teknologia hau erabiltzen du. Google, Samsung eta Amazon bezalako enpresak hasi dira etxeko kontsumitzaileei bideratuta dauden eta konektatuta dauden lehenengo gailuak komertzializatzen.
Hala ere, IoT plataforma oraindik ez da mundo mailako ekonomian, modu orokorrean, guztiz barneratu. Zein da horren arrazoia?
Gogoratzen duzu Interneta 1999. urtean? Edo, gaztea bazara, gogoratzen dituzu sakeleko mugikorrak 2007. urtean? Gaur egun egoera horretan dago nagusiki Gauzen Interneta. 1999. urtean, Internetek handitasun zantzuak zituen (Google eta Amazon indar hartzen zeuden), baina askotan esperientzia frustagarria izaten zen, esperientzia beldurgarria izatera iritsi zitekeen. (Nire bankuko datuak web orrialde batean jartzea? Benetan?) 2007. urterako, sakeleko telefonoek aurrerapen garrantzitsu gehienak barne hartzen zituzten (formatu txikiagoa, WAP bidezko konexioa Internetera) eta garai horretan lehenengo Iphone-a komertzializatu zuten, gerora mugikor adimendunak sortuko zuten iraultzaren handitasuna jakin gabe.
Hori da gaur egun IoT teknologiaren garapenaren egoera ia mundu osoan. Inflexio puntu batean dago honen garapena, etorkizuna gainean dugu, baina ez dago modu uniformean banatuta. Gailuak, wearables-ak, AR/VR bisoreak, konektatutako etxe eta fabrikak, drone-ak, ibilgailu autonomoak eta hiri adimendunak guztiz berria den mundu bat irudikatzen dute, gure aurrean nabarmentzen eta azaleratzen ari dena.
